Keypti allar hummararnar og slepti teimum á sjógv

13-01-2017

Sigrið Guðjónsson og danski unnusti hennara blivu kløkk, tá tey sóu eitt kar við livandi hummarum í matvøruhandli í Havn

Sølumaðurin visti ikki, hvør ætlan okkara við hummarunum var, sigur Sigrið Guðjónsson.

Tey fluttu allar livandi hummararnar oman á Kongabrúnna, og har vóru teir sleptir á sjógv.

Tað var stuttligt at síggja teir svimja avstað, sigur Sigrið, ið heldur, at óansæð hvat, so fingu teir eitt betri lív enn at verða kókaðir livandi.

Hálvt ár er liðið, síðani hon bleiv vegetarur, og í dag vamlast hon við tankan um at eta kjøt. - Eg síggi djórini sum mínar vinir, sigur Sigrið Guðjónsson avgjørd.

- Vit hava longu gjørt av, at hetta verður ein afturvendandi traditión at keypa hummarar og sleppa teimum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)