- Tíðindi, mentan og ítróttur
Soleiðis skalt tú koyra um morgunin
Hvat skalt tú gera, um bilurin frammanfyri teg koyrur ov spakuligt? Hvørjar lyktir skal tú brúka um morgunin? Og hvussu nógva frástøðu skalt tú taka?
Í morgun koyrdi Góðan Morgun Føroyar inn í Kaldbaksbotnin at eygleiða morgunferðsluna saman við Jan Fossaberg, løgreglumanni.
"Í morgun koyra tey pent, men eg havi talt átta bilar, sum ikki hava stýr á lyktunum", segði løgreglumaðurin um ferðsluna í morgun.
Fartelefonin drepur
Vit seta okkum ikki inn í ein bil, um førarin er ávirkaður av rúsdrekka. Men vit seta okkum ikki upp í móti, um førarin líka tekur telefonina, tá koyrt verður.
Men tað gevur onga meining, sigur Jan Fossaberg. Tað er vísindaliga prógvað, at tá tú tosar í telefon, upptekur tú ein part av heilanum, so tað í veruleikanum svarar til at hava for høga promillu.
"Tá tú koyrur bil, skalt tú bara koyra bil. Sjáldan eru telefonsamrøður so akuttar, at tær ikki kunnu bíða í fimm minuttir", sigur hann.
Lurta við omanfyri.
Tak niður