- Tíðindi, mentan og ítróttur
Óvist hví skjal kom út
18.01.2017 - 12:28
Innlendis›Politikkur
Óvist hví skjal kom út
Forkvinna í Uttanlandsnevndini veit ikki, hví eitt loyniligt skjal hjá Fiskimálaráðnum hevur ligið á heimasíðuni hjá nevndini
Hóast Uttanlandsnevndin hjá Løgtinginum viðger øll mál í trúnaði, hevur strategiin hjá Føroyum í samráðingunum um uppsjóvarfisk ligið alment frammi á heimasíðuni hjá nevndini.
Hetta hendir um somu tíð, sum illgruni er um, at onkur í nevndini hevur latið Norðlýsinum upplýsingar frá einari ráðførslu í nevndini um fiskirættindasamráðingarnar við Ísland.
Talan er tó ikki um sama mál.
Annita á Fríðriksmørk er forkvinna í Uttanlandsnevndini. Hon veit ikki, hví eitt loyniligt skjal hjá Fiskimálaráðnum hevur ligið á heimasíðuni hjá nevndini.
Tveir minuttir eftir, at Útvarpið hevði tíðindini um kvoturnar klokkan átta í morgun, vóru skjølini horvin á heimasíðuni hjá Uttanlandsnevndini.
Tak niður
Nýggjastu sendingar í ÚV
Nýggjastu sendingar í SV