Kaldbaksfólk: leggið ikki náttúruna undir betong

20.01.2017 - 13:30
AktueltSamfelag
Kaldbaksfólk: leggið ikki náttúruna undir betong
Kaldbaksfólk hava handað borgarstjóranum í Havn eitt mótmæli móti ætlaðu útbyggingini av vinnuøkinum á Sundi
 
 

Tak niður

Annika Olsen, borgarstjóri í Havn, fekk góðar 100 undirskriftir frá Kaldbaksfólki fyrrapartin.

Næstan allir vaksnir íbúgvar í bygdini høvdu skrivað undir.

Annika Olsen harmast um, at Kaldbaksnevndin ikki varð hoyrd fyrr, men hóast hon skilir Kaldbaksfólk, vil hon ikki siga, hvat hon sjálv heldur um ætlanina. Hon lovar tó Kaldbaksfólki eina sakliga viðgerð, og eitt skjótt svar.

Kaldbaksnevndin handaði eisini mótmælið til yvirfriðingarnevndina, og heittu á hana um at taka góðkenningina av útbyggingini aftur og viðgerðina upp av nýggjum. Í skrivinum til kommununa, leggja Kaldbaksfólk eisini upp til, at grótið úr Eysturoyartunlinum í staðin kann brúkast at breiðka vegin úr Kaldbaksbotni til Kaldbaks ella til at økja um brimgarðin í bátahylinum í Kaldbaksbotni.

Mynd: Karstin Vang úr Kaldbaksnevndini handar Anniku Olsen mótmælisskriv.

 
Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675