Mikkeller vil broyta føroysku øl-mentanina

08-02-2017

Øl-bryggjarin Mikkel Borg Bjergsø er so hugtikin av Havnini, at hann hevur avgjørt at lata eina øl-barr upp í býnum

Seinni í vár ella tíðliga í summar letur ein nýggj ølbarr upp í Gongini í miðbýnum í Havn.

Maðurin handan barrina er heimskendi danski bryggjarin Mikkel Borg Bjergsø - sonevndi Mikkeller.

Hann er útlærdur støddfrøðis- og alisfrøðislærari, sum byrjaði at bryggja í 2006 í einum køki í Keypmannahavn.

Hugskotið handan Mikkeller er at bryggja øl, sum bjóðar vanligu hugsjónina um øl av. Tey royna øðrvísi tilfar í bryggingini.

Ølin er lutfalsliga dýr, og hon kann ikki fáast allastaðni.

Síðani 2008 hevur Mikkeller latið barrir upp í eini 9 londum uttanfyri Danmark - í fleiri býum í USA, í Barcelona, í Tokya, í Seoul í Suðurkorea, í Bangkok og í Singapore.

Og nú sleppur lítla Tórshavn í útvalda býarskarðan.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)