- Tíðindi, mentan og ítróttur
Ynskja longri freist
Tað varð gjørt á fundi í Fiskivinnuráðnum seinnapartin í gjár.
Hoyringsfreistin var tríggjar vikur, og endaði í gjár, men tað er alt ov stutt skotbrá til at umrøða eitt so stórt mál sum fiskivinnunýskipanin er, sigur Annfinnur Garðalíð, formaður í Skipara- og Navigatørfelagnum, sum eisini umboðar Maskinmeistarafelagið í ráðnum.
Tað var Meginfelag Útróðrarmanna sum mælti til longri hoyringsfreist, og felagið fer at koma við sínum viðmerkingum seinni.
Fiskivinnuráðið hevði ikki nakra felags niðurstøðu til uppskotið um fiskivinnunýskipan, men felagið vísti á viðmerkingarnar sum hvør einstakur partur hevur til uppskotið.
Høgni Hoydal, landsstýrismaður er samdur í at hoyringsfreistin var stutt til eitt so stórt og grundleggjandi uppskot. Og hóast hoyringsfreistin formelt endaði í gjár, so verða viðmerkingar sum koma til fiskivinnunýskipanina tiknar við í endaligu viðgerðina av uppskotinum.
Tak niður