Hoyr verkið her: Messias (1:2)

14.04.2017 - 16:00
MentanTónleikur
Hoyr verkið her: Messias (1:2)
Konsert av verkinum Messias, hjá Händel, ið varð framført í Vesturkirkjuni. Ólavur Hátún stjórnar. Hetta er fyrri partur
Mynd: Savnsmynd  
 
 

Tak niður

Um tónleikaverkið Messias, skrivar Ólavur soleiðis: 

Oratorium

Messias er sokallað oratorium, kirkjuligt tónaverk, sum hevur sínar røtur í katólsku mótreformatiónini.

Fólk møttust í biðisalum

Fólk møttu tá til uppbyggilig møtir í sokallaðum oratorium, sum merkir biðisalur. Hetta gav navn til bíbilskar tónleikaframførslur í hesum sambandi, sum løgdu støði undir hesa nýggju, máttmiklu tónleikagrein.

Messias stendur eftir í tónleikasøguni 

Ikki er tað ov nógv sagt, at týskføddi og tónleika italskt uppaldi onglendingurin Georg Friedrich Händel (1685 - 1759) meira enn nakar annar hevur skrivað oratoriir, sum saman við passiónunum hjá samtíðarmanninum J.S. Bach verða standandi eftir í tónleikasøguni, tá ið tíðarinnar tonn hevur gnagað so mangt annað burtur.

Drúgt men gott

Drúgt er verkið, men neyvan í allari tónleikasøguni er verk skrivað, sum soleiðis eins og ein perlurøð við sínum resitativu frásøgnum, sínum undurføgru solosangum (arium) og sínum máttmiklu, ljómandi kórpørtum hongur organiskt saman frá byrjan til enda.

Tók tríggjar tímar at skrivað verkið

Händel skrivaði Messias, hetta, í fullari longd, tríggja tíma tónaverkð, í musikalskari og relogøsari ekstasu eftir bert trimum vikum, eitt bragd, sum tónleikasøgan ikki kennir makan til.

Verkið hevur varveitt sín tokka millum fólk, og ongantíð man hátíðarstundin kennast onglendingum sterari, enn tá ið Halleluja-kórið enn í dag lyftir mannfjøldina úr sæti, ein og tað gjørdi á fyrsta sinni fyri nú meira enn hálvtriðja hundrað árum síðani. 

Fýra solistar

Umframt stórt kór og orkestur eru fýra solistar ið framføra. Trý teirra eru úr Íslandi, Þóra Einarsdóttir syngur sopran, Sesselja Kristiansdóttir syngur mezzosopran og Ágúst Ólafsson bass. Fjórði solisturin er føroyingurin Ernst Sondum Dalsgarð ið syngur tenor.

Ólavur Hátún stjórnar.

Tekstinir til verkið eru úr Bíbliuni, og teir lesur Páll Danielsen, so hvørt sum teir eru at hoyra til hvørt lag.

Høgni Fagraberg hevur staðið fyri upptøkuni.

Hetta er fyrra sending.

 
Nýggjastu sendingar í ÚV
Nýggjastu sendingar í SV
Mikudag 22. november
Ámæli
74637
Týsdag 21. november
Savnsgull: Ungar hendur 3
74606
Týsdag 21. november
3-2
74577
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473