Betri nevndin betri førleikar

22.04.2017 - 13:09
Innlendis
Betri nevndin betri førleikar
Nevndin í betri hevur betri førleikar eftir nevndarvalið á aðalfundi í gjár. Tað heldur Birgir Nielsen, sum er nýggi formaðurin í Betri nevndini.

Umframt fyrrverandi formannin Arna D. Brattaberg, vóru tvey nýggj fólk vald í Betri nevndina. Tey eita Teitur Poulsen - hann var fyrst valdur - og Gunn Danielsen, sum var á øðrum plássi. Arni D. Brattaberg kom inn sum nummar trý.

Tey bæði nývaldu í nevndini hjá Betri P/F verða mett at hava góðar førleikar at røkja nevndarsessirnar.

Gunn Danielsen er búskaparfrøðingur, og er verkætlanarleiðari í heilsuverkinum hjá Region Hovedstaden í Danmark.

Teitur Poulsen er eisini búskaparfrøðingur og situr í stjórnini í sveisiska oljufelagnum Lundin Petroleum.

Tey bæði vóru bæði uppstillað av sonevnda tilráðingarbólkinum, sum afturat umboðsráðnum sjálvum kann stillað fólk upp til nevndarval. Hesaferð stillaði tilráðingarbólkurin bara fólk uttanífrá upp til val.

Fíggjareftirlitið setti í heyst spurningar við førleikarnar í nevndini hjá Eik banka, sum í dag eitur Betri banki. Síðani tá hevur førleikastøðið í nevndunum sum heild verið nógv umrøtt í miðlunum. Valið í gjár endurspeglar, at umboðsráðið hjá Betri samtakinum hevur tikið hesar spurningar til eftirtektar.

Birgir Nielsen vísir aftur, at umrøðan av førleikum í Betri nevndunum var orsøkin til, at Arni D. Brattaberg ikki heldur fram sum formaður.

Umframt førleikarnar hevur eisini verið nógv tosað um bygnaðin í Betri samtakinum. Landsstýrismaðurin í vinnumálum hevur sagt, at hann er ónøgdur við bygnaðin í Føroya størsta samtaki og vinnumálaráðið fer tí at seta fram lógaruppskot, sum skal leggja trýst á Betri at broyta bygnaðin.

Betri hevði freist til mánadagin at lata hoyringarskriv til lógarbroytingarnar, men tann freistin er longd við eini viku, til tann 1. mai. Men Betri ætlar at halda fast í verandi bygnaði, sigur formaðurin.

Segði Birgir Nielsen, sum er nýggjur formaður í nevndini fyri Betri P/F.

Birgir Nielsen er sjálvstøðugur vinnurekandi. Hann hevur banka- og cand.merc útbúgving. Hann hevur 15 ára royndir sum bankamaður, millum annað sum leiðari í vinnulívsdeildini í gamla Eik.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584