Maggies er vorðið eitt týðandi konsertstað

26-05-2017

Lítla kaffistovan Maggies í Nólsoy er upp á tvey ár vorðin ein týðandi konsertpallur, sum bjóðar konsertir við okkara fremstu tónlistafólkum

Tað eru tvey ár síðan regluligt virksemi byrjaði í Maggies úti í Nólsoy. Tað eru hjúnini Margreth Jacobsen og Terji Rasmussen, sum reka Maggies.

Hvørt vikuskift leita alsamt fleiri fleiri fólk sær út í Maggies at hoyra nøkur av okkara fremstu listafólkum framføra.

Uni Leitisstein Hansen tók mikrofonina við, tá Annika Hoydal spældi konsert í Maggies, í eini roynd at finna út av, hvussu tað ber til, at Maggies bæði dregur áhoyrar og tónlistafólk í hópatal at sær. .

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)