Situr tú í koyristóli og skalt ein túr við bygdaleiðum, hevur tú ikki møguleika at sleppa við, uttan tú verður lyftur og borin umborð. Tað sama er galdandi fyri fleiri av skipunum hjá strandferðsluni, siga tær báðar, Tóra við Keldu og Ása Olsen, ávíkavist forkvinna og dagligur leiðari í Meginfelag teirra ið bera brek.

Serliga eru tað tey, sum skipa fyri summarstevnum og ítróttartiltøkum, sum eru farin at gera atkomumøguleikarnar betri hjá teimum, sum bera brek. Tó er nakað, áðrenn málið er rokkið, siga Tóra við Keldu og Ása Olsen.

Tosað verður eisini um fylgjarakort og parkeringskort til teirra, sum bera brek.