Ætla at vinna á svium

Føroyar skulu spæla móti Svøríki um 15. plássið í HM-endaspælinum í hondbólti fyri U21 landslið í Algeria.

Tað er greitt, eftir at bæði Føroyar og Svøríki taptu sína áttandapartsfinalu í gjár tepurt fyri ávikavist Fraklandi og Týsklandi.

Liðskiparin á føroyska U21 landsliðnum, Helgi Hildarson Hoydal, væntar sær ein harðan dyst móti svium, sum hann tó ætlar sær at vinna.

Dysturin millum Føroyar og Svøríki verður klokkan tvey seinnapartin.