Trupult at banna muslimskum frískúlum í Danmark

Torkil V. Rasmussen, løgfrøðingur og undirvísari á Setrinum í grundleggjandi fyrisitingarlóg, væntar ikki, at uppskotið hjá Mette Fredriksen verður góðtikið.

Forkvinnan í danska Javnaðarflokkinum ætlar, at frískúlar, har fleiri enn 50 prosent av næmingunum eru muslimar, skulu stongjast.

Men hetta fer neyvan at ganga, heldur føroyski løgfrøðingurin.

At taka burtur stuðulin frá muslimskum frískúlum, so at skúlarnir ikki bera seg, er diskriminerandi.

Um uppskotið ikki verður orðað øðrvísi, fellur tað.