Línuskip kunnu koma illa fyri

bannari
15.08.2017 - 16:43
InnlendisVinna
Línuskip kunnu koma illa fyri
- Tað ber illa til hjá línuskipunum at leggja til rættis, tí tey kunnu bara brúka ein triðing av døgunum í ár, ávarar Felagið Línuskip.

Støðan hjá teimum 15 línuskipunum er, at nøkur teirra royna ikki við Føroyar í september og november, tí tey flestu eru í Grønlandi.

Tí klára tey seg við fáum fiskidøgum fram til nýggjárs.

Men onnur línuskip fiska við Føroyar í september og fara síðan til Íslands, Flemish Kap ella Grønlands eftir ársskiftið. Tí hava tey brúk fyri nógvum fiskidøgum nú.

Dømi er um skip, sum í januar í ár høvdu brúkt 80 prosent av sínum fiskidøgum.

Tí munar ein triðingur einki.

- Tað kann man slett ikki liva við. Eingin kann liva við tí, sigur Hálvdan Gudmundsen, sum er formaður í Felagnum Línuskip.

Skal staðsetast í tveimum lógum

Fiskidagarnir fyri komandi 12 mánaðirnar skulu staðsetast í tveimum lógum.

Ein triðingur skal útlutast nú, og restin skal vera partur av fiskivinnunýskipanini, sum er á veg í Løgtingið.

Tað heldur formaðurin í Felagnum Línuskip, Hálvdan Gudmundsen, lítið um.

- Vit fáa ikki lagt til rættis. Vit fáa bara lagt komandi fýra mánaðir til rættis, og so vita vit ikki meira, sigur hann.

 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585