Spæla á legendariskum tónleikapalli

22-09-2017

Ungi bólkurin Sperol hevur fingið innbjóðing at spæla á einum av kendastu klubbunum í Los Angeles

Teir eru ungir, teir spæla villan harðan tónleik, og nú eru boð eftir teimum á kenda, legendariska klubbanum í Los Angeles, sum nevnist Wiskey A Gogo.

Bólkurin, Sperol, ið er mannaður við fýra ungum monnum úr Tórshavn, hevur eina spennandi tíð fyri framman. Um miðjan november fara teir til Los Angeles at hava tvær konsertir á Whiskey A Gogo.Talan er um heimskenda klubban, har eitt nú Aerosmith og Metallica hava spælt.

- Eg sendi bara nakrar teldupostar runt til ymisk fólk í tónleikavinnuni, og so var tað ein maður frá Whiskey A Gogo, sum svaraði mær. Hann vildi fegin hava okkum at spæla tvey kvøld, og tað eru vit sjálvandi ovurfegnir um, sigur Pætur Joensen, forsangari í bólkinum.

Í morgunsendingini fortaldu hann og Oddmar Hermansen um møguleikan at sleppa til Amerika at spæla.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)