Seyðurin er væl fyri

Í gjár var farið eftir seyði á Lítlu Dímun.

Róin Schrøter, formaður í Lítlu Dímun, letur væl at degnum:

- Dagurin hepnaðist væl í gjár. Vit eru væl nøgdir við tað slaktið, vit tóku inn, og seyðurin er í sera góðum standi, sigur Róin Schrøter.

Umstøðurnar at fara eftir seyði í oynni vóru annars ikki tær bestu í gjár. Landssynningur er ikki besta ætt, og streymurin er harður í løtuni.

- Men veðrið hevur verið gott seinastu dagarnar, og vit ráðførdu okkum við veðurkøn, og tóku so avgerð um at fara, sigur Róin Schrøter.

Tað gekk væl at fáa seyðin í bátin Torshavn, sum bleiv brúktur hesaferð.

Tá samanumkom vóru 159 seyðir til slakt.

- Tað er eitt gott tal, meta vit, sigur Róin Schrøter.