Staksdagurin setti met

Heili 127.300 krónur.

So nógv kom í kassan, tá uppboðssøla var á Staksdegnum í Tjørnuvík í gjár.

Upphæddin er tann størsta nakrantíð, og tískil er talan um met.

150 fólk vóru úti í Stakkinum eftir seyði, fleiri høvdu teknað seg, 150 er loftið. Hesi komu aftur við 15 seyðum.

Pengarnir, sum koma inn av uppboðssøluni, fara aftur til Stakkin.

Ein nevnd umsitur pengarnar, sum millum annað fer til røkt og viðlíkahald, umframt at ymiskt í Tjørnuvík eisini verður stuðlað.