Tíma børn ikki at lesa?

26-09-2017

Nú verður kannað, um børn veruliga lesa minni enn fyrr. Endamálið er at menna málið og skriviførleikar hjá børnum

Í november verður ein umfatandi kanning gjørd av 4., 6. og 9. flokkum ymsastaðni í Føroyum.

Við eini spurnarkanning við 30 spurningum er ætlanin at fáa vitan um lesivanar hjá børnum, tí ofta verður sagt, at børn í dag lesa minni enn fyri nøkrum árum síðani, men er tað veruliga so?

Tað eru Lydia Didriksen, Turið Kjølbro, Marjun Ziskason og Sissal M. Rasmussen, sum hava tikið stig til kanningina.

- Við vitanini um lesivanar hjá børnum, ber til at hjálpa teimum til at betra um bæði mál- og skriviførleikar, sigur Lydia Didriksen.

Í morgunsendingini greiddu hon og Turið Kjølbro frá um kanningina.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)