- Tíðindi, mentan og ítróttur
Katalonar gera seg til reiðar til fólkaatkvøðu
Tað er klárt til katalonsku fólkaatkvøðuna um loysing frá Spania í morgin.
Tað kunngjørdi katalonski forsetin, Carles Puig-demont, framman fyri snurrandi myndatólunum og tíggjutalstúsund fólkum á stórum veljarafundi á Placa Espanya í Barcelona í gjárkvøldið.
Stórt stríð hevur annars tikið seg upp millum sponsku miðstaðarstjórnina í Madrid og katalonsku sjálvstýrisstjórnina í Barcalona um ætlaðu fólkaatkvøðuna.
Grundlógarrætturin í Spania hevur dømt fólkaatkvøðuna ólógliga, og harvið er alt, sum hevur við fólkaatkvøðuna at gera, at rokna sum ein brotsgerð.
Spanska herðnaðar-løgreglan hevur gjørt húsarannsóknir á støðum, sum eru undir illgruna fyri at hava samband við fólkaatkvøðuna. Hald er í fleiri umførum lagt á atkvøðuseðlar og atkvøðukassar. Borgarstjórar og skúlastjórar eru hóttir við at verða drigdnir fyri rættin, um teir hýsa fólkaatkvøðuni. Og nógvar heimasíður, sum hava tilknýti til fólkaatkvøðuna, eru stongdar.
Uni Leitistein Hansen er staddur í Katalonia, hoyr samrøðu við hann her
Tak niður