Tingfólk larma ov nógv

bannari
05.10.2017 - 15:07
AktueltPolitikkur
Tingfólk larma ov nógv
Tað halda 10. floks næmingar úr Vágum, sum vóru í tinginum til 1. viðgerð av fíggjarlógini í gjár.
Óluva, Herborg, Valdemar og Julian (ikki á mynd) vóru við til fyrstu viðger av fíggjarlógini
 
 

Tak niður

Vanligur fólkaskikkur er at lurta, tá ið onkur heldur røðu. Men soleiðis er ikki, tá ið talað verður av Føroya tignarligasta røðarapalli - tann í løgtinginum.

Tað halda tey fýra Óluva, Herborg, Valdemar og Julian, úr 10. flokki úr Vágum, sum vóru til fíggjarlógarviðgerðina í løgtinginum fyrrapartin í gjár.

Lítið skil í løgtinginum

"Man ímyndar sær, at tað er eitt sindur meira professionelt" sigur eini næmingurin millum annað um støðuna í tingsalinum. Ein annar helt tað vera lítið av skili í, og at har var nógvur ófriður í salinum, tí fólk tosaðu so nógv. 

Næmingarnir sótu aftast í salinum, og tað gjørdi, at tað var ringt at fylgja við, hvat varð sagt á røðarapallinum, tí onnur tosaðu inni í salinum samstundis. 

Harafturat søgdu tey, at tey hildu seg vera friðarligari í skúlanum, enn politikarir eru í tingsalinum, og at tað kundi tykjast sum manglandi respekt millum tingfólkini. 

Ungdómstingið friðarligari enn løgtingið

Páll á Reynatúgvu, tingformaður, heldur, at tað er vert at taka til eftirtektar, at tað vanliga hevur verið friðarligari hjá ungdómstinginum enn hjá løgtinginum.

Samstundis greiðir Páll á Reynatúgvu frá, at nógv annað var á skránni hendan dagin enn formliga orðaskiftið, og at hetta kanska er ein av orsøkunum til, at tað hjá gestum kann tykjast rokaligt í tingsalinum. 

 
Nýggjastu sendingar í ÚV
Mánadag 18. juni
Fremmand í Århus
82045
Mánadag 18. juni
HM tíðindi 18. juni 2018
82029
Mánadag 18. juni
Blomstrut skjúrta skal til
82026
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982