Hava uppiborið betri

09.10.2017 - 16:06
ÍtrótturFótbóltur
Hava uppiborið betri
Landsliðskvinnurnar eiga sjálvsagt at fáa samsýning fyri mista arbeiðsinntøku, heldur Ólavur Ellefsen, formaður í javnstøðunevndini.
 
 

Tak niður

Tað hevur vakt ans, at landsliðsmenninir í fótbólti fáa pengar fyri at spæla á landsliðnum, meðan kvinnurnar einki fáa.

Ólavur Ellefsen, formaður í javnstøðunevndini, viðurkennir, at FSF hevur uppraðfest kvinnufótbóltin nakað tað seinasta árið. Men, at kvinnurnar einki fáa fyri mista arbeiðsinntøku er ein endurspegling av, at FSF ikki vísir kvinnufótbóltinum líka stóra virðing. Tað er signalvirði í pengunum heldur hann.

Virgar Hvidbro, aðalskrivari í Fótbóltssambandinum, segði í útvarpinum í gjár, at kvinnurnar fara ivaleyst at fáa eina samsýning í framtíðini, men at hetta ikki verður alt fyri eitt.

Fleiri aftursvar eru komin á sosialum miðlum eftir framsøgnina hjá aðalskrivaranum. Nógvir av viðmerkjarunum halda, at føroysku landsliðskvinnurnar hava uppiborið somu viðferð sum menninir. Men, tað eru eisini tey, sum halda, at samsýningin skal endurspegla støði á fótbóltsspælinum og almenna áhugan - ein hugburður, sum fleiri aðrir føroyingar hava, men sum formaðurin í javnstøðunevndini ikki tekur undir við.

Talan er um ein prinsipiellan javnstøðuspurning, og har kann ítróttin hava stóra ávirkan á restina av samfelagnum, heldur Ólavur Ellefsen.

 
Nýggjastu sendingar í ÚV
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Fríggjadag 20. juli
Summartímin hósdagin 19. juli
83505
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334