Øll mugu taka ábyrgd

Tað er ikki bert vinnan, men eisini kommunurnar, landið, landbúnaðurin og fólk sum heild, sum dálka og hava ávirkan á náttúruna. 

Um meira skal gerast fyri at verja náttúruna, mugu eitt nú kommunurnar eisini taka hetta í álvara, heldur Marita Rasmussen, stjóri í Vinnuhúsinum, nú arbeitt verður við einari nýggjari náttúruverndarlóg:

Kommunurnar hava í dag byggisamtyktirnar um hendi, og skipa sostatt mesta byggivirksemið í landinum.

Sirið Stenberg, landsstýriskvinnan í innlendismálum hevur ætlanir um, at tá ein nýggj náttúruverndarlóg er samtykt, so skal farast undir arbeiðið at gera eina planlóg, har lendi í Føroyum skal skipast.

Marita Rasmussen heldur, at bæði vansar og fyrimunir kunnu verða fyri vinnuna við einari planlóg, men tað er týdningarmikið, at atlit verða til, hvussu lendi og eitt nú ídnaðarøkir hava verið skipaði higartil.