- Tíðindi, mentan og ítróttur
»Hetta var tað, vit kundu fáa«
Fíggjarmálaráðið vildi halda aftur í lønarvøkstrinum, nú so nógv ferð er á búskapinum.
- Eg eri serliga misnøgdur við, at tað seinna árið ikki gav meira enn 754 krónur. Eg hevði einki havt ímóti at sæð 800 krónur á har ella kanska meira, sigur Súni Selfoss, formaður í Starvsmannafelagnum.
Stóð tað til landsstýriskvinnuna var lønarvøksturin minni.
- Sjálvandi. Fíggjarmálaráðið hevur allatíð lagt seg eftir, at vit skulu halda so lágan lønarvøkstur sum møguligt, sigur Kristina Háfoss.
1387 krónur upp í løn í alt
Lønin hjá teimum, sum eru sett eftir sáttmálanum hjá Starvsmannafelagnum og arbeiða í landsins tænastu, hækkar 633 krónur um mánaðin nú beinanvegin.
754 krónur koma afturat lønini næsta ár.
Verður lønarhækkingin umroknað til prosent er talan um eina hækking í mánaðarlønunum á 2,3 prosent fyrra árið.
Og 2,5 prosent seinna árið.
Í krónum svarar til tað slakar 37 milliónir krónur fyrra árið, og 41 milliónir krónur seinna árið.
Tak niður