Reformatiónstiltøk komandi dagarnar

20-10-2017

Fleiri 100 ára gamlar bíbliur, sálmar í nýggjum hami og mangt annað verður at síggja og hoyra komandi dagarnar, sigur Uni Næss, dómpróstur

Reformatiónsárið nærkast hæddunum og 31. oktober, sum er sjálvur dagurin, tá Luther, fyri 500 árum síðan, festi tær 95 tesurnar, ella avlátssetnigarnar, á kirkjuhurðina í Wittenberg.

Henda týsdag verður fagnaðargudstænasta í Havnar kirkju klokkan 20.00 og tað verður Jógvan Fríðriksson biskupur sum prædikar.

Konsert verður týsdagin 24. oktober klokkan 20.00.
Ein einføld, men hugvekjandi heildaruppliving við íblástri úr kirkjuligari liturgi í eini samanrenning av ljósi, ljóði og upplestri tulka ymiskir sangarar og tónleikarar frítt sálmar úr sálmabókini.
Annika Hoydal, Teitur Lassen, Jón Aldará, Niels Midjord, Sissal Grækarisdóttir Magnussen og Greta Svabo Bech tulka sálmar.

Í morgun var sangarin Sissal Grækarisdóttir Magnussen í studio fimm.
Umframt Sissal, vóru Uni Næss, dómpróstur og Ólavur í Geil, samskipari í útvarpsstovuni.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)