Løgtingið eigur ikki at viðgera uppskotið nú

bannari
22.10.2017 - 11:32
AktueltPolitikkur
Løgtingið eigur ikki at viðgera uppskotið nú
Løgtingið eigur ikki at viðgera uppskotið um stjórnarskipan. Tað heldur Jógvan á Lakjuni.
Mynd: Savnsmynd  
 
 

Tak niður

Hann situr sjálvur í formansskapinum hjá løgtinginum og var tingformaður síðsta valskeið.

Hann fer at taka uppritið hjá løgtingsumsitingini til eftirtektar og atkvøða nei, tá løgtingsfólk skulu taka støðu týsdagin, um stjórnarskipanaruppskotið skal viðgerast.

Løgtingsumsitingin heldur, at uppskotið hjá løgmanni er ikki búgvið hjá løgtinginum at taka støðu til.

Og uppskotið er ikki í samsvari við tingskipanina, heldur umsitingin hjá løgtinginum.

- Tað er eingin ivi um, at umsitingin mælir til at vísa hesum uppskotinum burtur. Løgtingið skal sjálvandi sleppa at taka støðu, men eg ætli mær at atkvøða fyri tí at vísa tað burtur, tí eg haldi, at hetta er púra órealistiskt. Og eg fari at mæla løgtinginum til at gera tað sama, sigur Jógvan á Lakjuni.

Mæla til - og taka støðu

Løgtingsformaðurin Páll á Reynatúgvu segði hósdagin, at formansskapurin var samdur um, at løgtingið skuldi taka støðu til, um stjórnarskipanaruppskotið skal viðgerast.

Men sjálvt um tað stendur í tingskipanini, so fer hann ikki sjálvur beinleiðis at mæla løgtinginum til at vísa uppskotið burtur.

- Vit taka støði í uppritinum frá umsitingini, men vit meta, at tað er rætt, at tað er tingið sjálvt, sum sleppur at gera av, um tað skal vera eitt nei ella tað skal vera eitt ja. Tí er orðingin kanska eitt sindur meira neutral enn tað, sum umsitingin mælir til, segði hann.

Sum partur av formansskapinum fer Jógvan á Lakjuni at mæla løgtinginum til at atkvøða nei.

- Sjálvandi kann tað vera eitt sindur trupult, um tú ivast sjálvur, um tú skal vísa tí burtur ella ikki, hvussu tú orðrar teg, sigur Jógvan á Lakjuni og sipar til løgtingsformannin Páll á Reynatúgvu.

Uppskotið hevur ongan kjans

Jógvan á Lakjuni heldur, at uppskotið um stjórnarskipan hevur ongan kjans í politisku skipanini, sum støðan er nú.

Hann heldur, at hansara royndir í politikki siga honum púra greitt, at ein grein 25-nevnd fer ikki at finna semju um uppskotið.

- Tað er sera órealistiskt at billa sær inn, at nevndin fer at finna semju um uppskotið næsta, sigur Jógvan á Lakjuni, sum er tingmaður fyri Fólkaflokkin og partur av formansskapinum hjá løgtinginum. 

 


 

 

 
Nýggjastu sendingar í ÚV
Mánadag 20. november
Norðurljóð 20.november 2017
74531
Mánadag 20. november
RagnarRokk 20.november 2017
74511
Mánadag 20. november
Meg minnist: Laura Joensen (2:3)
74506
Mánadag 20. november
Morgunlestur mánadagur 20. november 2017
74416
Nýggjastu sendingar í SV
Mánadag 20. november
3-2
74544
Sunnudag 19. november
Guðstænasta úr Havnar kirkju
74474
Sunnudag 19. november
Andaktin
74473
Hósdag 16. november
Koba & Vatnhamar II (2:4)
74363
Hósdag 16. november
Savnsgull: Tey settu búgv 2
74353