Føroyar besta smátjóð í talvi

18.11.2017 - 20:55
ÍtrótturAnnar ítróttur
Føroyar besta smátjóð í talvi
Føroyar vunnu EM-finalu fyri smátjóðir í talvi seinnapartin, við einum sigri á Andorra.

Andorra lá á øðrum plássi undan dystinum. Monako tryggjaði sær annaðplássið og Andorra endaði nummar trý orsaka av ósigrinum fyri Føroyum.

Talan er um eina rættiliga sterka kapping, sigur Finnbjørn Vang, formaður í Talvsambandi Føroya. Alt bendi á, at tað vóru tvær sera javnar manningar, sum hittust í finaluni í dag. Vertslandið Andorra hevur ikki verið so frammarlaga í talvi sum nú. Men hyggur tú nærri at liðnum, sæst, at telvarar uttaneftir hava styrkt liðið.

De La Riva og Aloma Vidal eru báðir spaniólar úr Katalonia. Annar stórmeistari og hin altjóða meistari. De La Riva var í 2003 spanskur meistari. David Norwood er bretskur stórmeistari, og var longu í 1993 nógv brúktur sum serkønur í BBC-sjónvarpinum, tá ið Kasparov og Short telvaðu HM-finalu í London. De La Riva og Norwood hava telvað við Andorra í nøkur ár, men Aloma Vidal er nýliga komin aftrat. Hesir eru stórmeistarar og altjóða meistari.

Føroyska liðið tyktist undan dystinum at vera komið á lagið eftir eina treka byrjan. Helgi Dam Ziska, Høgni Nielsen og John Rødgård vóru allir ósigraðir. Rógvi hevði ikki fingið glið á í sama mun sum hinir. Tí var tað serliga gleðiligt, at tað júst var sigurin hjá Rógva Nielsen við svarta fólkinum á triðja borði, sum tryggjaði Føroyum fyrsta plássið í dag.

Andorra Føroyar
GM De La Riva 2482 GM Helgi Dam Ziska 2543
GM Norwood 2505 FM Høgni E. Nielsen 2354
IM Aloma Vidal 2440 FM Rógvi E. Nielsen 2340
FM Raul Garcia 2150 IM John Rødgård 2332

 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585