Gleði meg til hetta er yvirstaðið

21-11-2017

- Seinastu vikurnar hava verið strævnar, so tað verður gott, tá tað er yvirstaðið, sigur Sólbjørg Jakobsen, ið stillar upp til kommunuvalið í Ålborg

Í dag er kommunuval í Danmark.

Tilsamans fimm føroyingar bjóða seg fram á valevnislistunum, og ein teirra er Sólbjørg Jakobsen.

Hon stillar upp fyri flokkin Vinstra í Ålborg.

Seinastu vikurnar hevur hon eins og aðrir politikarar ført valstríð.

- Eg havi verið til veljarafundir, hongt upp valplakatir, og so havi eg eisini brúkt teir sosialu miðlarnar rættiliga nógv, sigur Sólbjørg Jakobsen, sum er útbúgvin løgfrøðingur.

Men tað er strævið at stilla upp til kommunuval, ásannar Sólbjørg Jakobsen:

- Vikurnar hava verið hektiskar, tí tað hevur verið nógv á skránni. Nógvir fundir, teldupostar og slíkt, so tað verður gott, tá hetta er yvirstaðið. Gott at fáa sindur av friði aftur, sigur Sólbjørg Jakobsen.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)