Sperol spæla á Whisky A Go Go

23-11-2017

Amerikanarar taka væl ímóti ungu tónleikarunum í heavymetal bólkinum úr Havn

Mikukvøldið spældi føroyski heavymetal bólkurin, Sperol, á legendariska spælistaðnum Whisky A Go Go.

Talan er um eitt kent spælistað, har bólkar sum Aerosmith og Metallica eisini hava spælt.

Umleið 40 fólk vóru komin at hoyra ungu, føroysku menninar framføra í gjárkvøldið.

- Tað gekk ordiliga væl, og fólkini tóku væl ímóti okkum. Longu nú hevur onkur vent sær til okkum fyri at tosa um møguligt samstarv, plátusáttmála og so framvegis, so hetta er spennandi, sigur Pætur Joensen, sum er forsangari í bólkinum.

Teir fýra ungu menninir, ið manna Sperol, fingu tíðliga í heyst eina innbjóðing at koma at spæla á Whisky A Go Go.

Umframt framførsluna mikukvøldið skal bólkurin hava enn eina konsert á kenda spælistaðnum fríggjakvøldið.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)