Í kvøld er greitt, hvussu ársins vakrasti brundseyður sær út, tí á Búnaðarstovuni í Kollafirði fara tey at hava seinasta umfarið av landsseyðasýningini í kvøld.

Seinastu vikurnar hava fólk frá Búnaðarstovuni verið runt kring landið og sýna seyð, ið er tilmeldaður landsseyðasýningina.

Búnaðarstovan hevur verið í í Suðuroy, Sandoy, Streymoy, Eysturoy og í Norðoyggjum.

- Áhugin hevur verið stórur. Í ár vóru 51 seyðir meldaðir til, og tað er tað mesta nakrantíð, sigur Hans Martin Andreassen, sum er samskipari.

Kappingin er skipað soleiðis, at ymsa staðni í landinum eru lokalar sýningar, og síðani kunnu teir bestu seyðirnir meldast til landsseyðasýningina.

Men hvat eyðkennir so ein góðan brundseyð?

- Hann skal ikki hava feilir, og tað er tað týdnignarmiklasta. Beinini, høvdið, ullin og eistini skulu vera í ordan, sigur Hans Martin Andreassen.