Dokumentarur um G! festivalin

04-12-2017

Hóskvøldið verður ein dokumentarur um G! festivalin vístur í sjónvarpinum. Dokumentarurin eitur "Millum Himmal og Helviti".

Uni Leitisstein Hansen, journalistur, hevur lagt dokumentarin til rættis, og Eyðun Müller Thomsen, fotografur, hevur filmað og sett saman. Dokumentarurin er gjørdur á G! festivalinum í ár, tó eru nakrar eldri upptøkur við.

Hetta er ein øðrvísi dokumentarur og ikki ein vanlig frásøgn, sigur Uni Leitisstein Hansen. Myndirnar tala fyri seg, og dokumentarurin lýsir væl, hvat G! festivalurin er.

"Millum Himmal og Helviti" verður vístur í sjónvarpinum hóskvøldið eftir Dag og Viku.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)