Fríggjadagurin verður lagnudagurin hjá nýskipan

06.12.2017 - 12:40
InnlendisPolitikkur
Fríggjadagurin verður lagnudagurin hjá nýskipan
Onnur viðgerð er á skránni fyri tingfundin kl.09.30 fríggjadagin. Løgtingsformaðurin boðaði á fundinum í dag frá skránni á næsta fundi:
Millum annað hetta skal løgtingið atkvøða um fríggjadagin.
Mynd: Kringvarp Føroya  

Fríggjadagurin verður avgerandi fyri nýggju fiskivinnunýskipanina hjá landsstýrinum.

Tá skal løgtingið eftir ætlan endiliga atkvøða um uppskotið, sum er nógv broytt, síðani Høgni Hoydal, landsstýrismaður, legði tað fram 14. september.

Vinnunevndin varð liðug við málið mánakvøldið.

Onnur viðgerð verður fríggjadagin.

Tá tingfundurin fyrrapartin endaði, boðaði Páll á Reynatúgvu, løgtingsformaður, frá næsta tingfundi.

Seinasta málið, løgtingsformaðurin nevndi, er uppskotið hjá Miðflokkinum um at leingja galdandi veiðiloyvi, so betri stundir vera at viðgera fiskivinnunýskipanina. 

Tingfundurin í dag var stuttur, hann vardi bara hálvan tíma, hóast 13 mál vóru á skránni.

Men tey vórðu øll avgreidd við atkvøðugreiðslum uttan orðaskifti, og øll vórðu tey samtykt.  

  

 
Er kopiera

Tak niður

Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652