Menningarkvotur og Sandoyggin

bannari
14.12.2017 - 16:24
AktueltPolitikkur
Menningarkvotur og Sandoyggin
- Í løtuni hava vit einki arbeiðsloysi, men vit vóna sjálvsagt, at oyggin kann fáa okkurt burtur úr menningarkvotunum.
 
 

Tak niður

Tað sigur Brandur Sandoy, borgarstjóri á Sandi, nú tingið hevur samtykt, at øki við ávísum avbjóðingum, kunnu fáa menningarkvotu, um hugskotið er nóg gott

Fyrradagin samtykti løgtingið, at kvotur kunnu latast til menningarætlanir, sum kunnu stuðla undir virðisøking av fiski í ávísum økjum, har atgongd til sjófeingi er avmarkað, ella arbeiðsloysið er stórt, samanborið við onnur øki í landinum, ella til øki, har fólkatalið støðugt minkar.

Løgtingið hevur staðfest, at Norðstreymoy, Suðurstreymoy og Vágoy hava avmarkaða atgongd til havsins ríkidømi, meðan fólkatalið minkar í Sandoynni og Suðuroynni, sum eisini hevur lutvíst hægri arbeiðsloysi. Løgtingið samtykti eisini, at Norðuroyggjar, Eysturoy og restin av landinum eisini kunnu koma upp í part, um treytirnar eru loknar.

Brandur Sandoy, borgarstjóri á Sandi sigur, at tað er eingin loyna, at sandoyggin ikki hevur tí stóru fiskivinnuna, og at menningarkvoturnar kanska geva møguleika fyri hesum. 

Hóast orðingarnar í samtyktu lógini um, at fólkatalið í Sandoynni minkar, so vaks tað í roynd og veru í Sandoyar sýslu við trimum fólkum tað seinasta árið, sambært Hagstovu Føroya. Men heima á Sandi, ella í Sands kommunu minkaði fólkatalið við sjey. So kanska tey kunnu fáa menningarkvotu, er hugskotið nóg gott.

Hoyr innslagið omanfyri.

 
Nýggjastu sendingar í ÚV
Hósdag 16. august
Summartímin hósdagin 16. august
84299
Hósdag 16. august
Trimpil (2-3:5)
83672
Hósdag 16. august
Summartímin mikudagin 15. august
84287
Hósdag 16. august
Morgunlestur hósdagin 16. august 2018
82950
Mikudag 15. august
Morgunlestur mikudagin 15. august 2018
82949
Nýggjastu sendingar í SV