Viknaður løgmaður gevur sær umhugsanartíð

12.01.2018 - 18:11
AktueltPolitikkur
Viknaður løgmaður gevur sær umhugsanartíð
-Støðan er óheppin, men eg ætli mær ikki at gera nakað í óðum verkum, sigur Aksel V. Johannesen, nú Kristin Michelsen atkvøður frá máli til mál
Minnilutalandsstýrið hjá Akseli V. Johannesen tódnar niður í 15 tinglimir, nú Kristin Michelsen ikki longur kennir seg bundnan at atkvøða saman við samgonguni
 
 

Tak niður

Samgongan fekk í dag eitt skot fyri bógvin, tá samgongu-tingmaðurin Kristin Michelsen boðaði frá, at hann ikki longur kennir seg bundnan at atkvøða saman við samgonguni.

Í brævi til Aksel V. Johannesen, løgmann og formann fyri Javnaðarflokkin, boðar Kristin Michelsen frá, at hann atkvøður mál fyri mál í løgtinginum. Víðari skrivar løgtingsmaðurin, at hann er ikki bundin at atkvøða saman við Javnaðarflokkinum, so leingi sum javnaðarumboðini í Tvøroyrar Býráð ikki vilja samstarva við seg.

Útvarpið hevur seinnapartin tosað við Kristin Michelsen, løgtingsmann og borgarstjóra á Tvøroyri, men hann hevur ikki fleiri viðmerkingar og ynskir ikki at gera samrøðu við útvarpið.

-Støðan er óheppin, men eg ætli mær ikki at gera nakað í óðum verkum, sigur Aksel V. Johannesen, løgmaður og formaður í Javnaðarflokkinu, sum gevur sær sjálvum umhugsanartíð

Hoyr eina longri samrøðu við Aksel V. Johannesen við at trýsta á pílin undir myndini.

Les eisini: Kristin Michelsen hóttir samgonguna

 
Nýggjastu sendingar í ÚV
Hósdag 20. september
Nón í Vestmanna
85591
Hósdag 20. september
Morgunlestur hósdagur 20. september 2018
85414
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409