Í løtuni verður arbeitt av øllum alvi við at gera ein online-sunnudagsskúla.

Tað eru tey bæði Sólfríð Maria í Rók og Rógvi Dam, ið hava tikið stig til sunnudagsskúlan, sum verður at síggja á netinum einaferð í heyst.

- Tað er ein sannroynd, at børn brúka nógva tíð á netinum, og tað vísir seg fleiri staðni, at tað eru færri, sum ganga í vanliga sunnudagsskúlanum, sum vit kenna hann, sigur Rógvi Dam.

Tí royna tey bæði nú at fáa brønini aftur í sunnudagsskúla.

Vit mugu møta børnunum har, tey eru. Og tí gera vit ein online-sunnudagsskúla, sigur Sólfríð Maria í Rók.

Í morgunsendingini greiddu tey bæði frá hugskotinum um sunnudagsskúlan á netinum.