Tunlarnir Norður um Fjall verða ikki framskundaðir

09.02.2018 - 12:35
AktueltPolitikkur
Tunlarnir Norður um Fjall verða ikki framskundaðir
Tað sigur Kristina Háfoss, nú fleiri andstøðuflokkar hava lagt uppskot fram um, at Norðoyatunnilin skal fíggja eina framskundan av tunlunum
Mynd: Savnsmynd  
 
 

Tak niður

Fleiri andstøðuflokkar hava lagt uppskot fram um, at Norðoyatunnilin skal fíggja tunlarnar fyri at framskunda byggiætlanina. 

Men hetta heldur landsstýriskvinnan í fíggjarmálum, Kristina Háfoss, verða ov vágaligt, nú man er farin í gongd við Eysturoyar-, Sandoyar- og Hvalbiartunnilin. 

Tíðarætlan ikki broytt

Landsstýriskvinnan í fíggjarmálum mælir til, at politikkarar hyggja at langtíðaríløgunum hjá landinum og halda seg til tær ætlaninar.

Andstøðu tingfólk hava lagt eitt uppskot fyri tingið, ið skal framskunda tunlarnar Norður um Fjall, so hesir verða bygdir samstundis um Hvalbiartunnilin.

Harumframt meta tey seg hava eitt uppskot, ið kann spara landinum nógvar milliónir, tí lánið skal í størstan mun rindast við avgjaldinum í Norðoyatunnlinum.

Pengarnir ikki bara brúkast norðanfyri

Kristina Háfoss sigur, at landsstýrið fer at arbeiða við játtanarkørmunum í vár, og har verður hugt nærri at upphæddini til tunlarnar Norður um Fjall, og at tann upphæddin skal setast av á fíggjarlógini.

Hon sigur, at Samferðslumálaráðið hevur arbeitt við einum øðrvísið samferðslumodellið, men at tey ikki vilja gera tað so, at peningur frá Norðoyatunlinum einans skal nýtast norðanfyri.

Hoyr samrøðu við landsstýriskvinnuna í brotinum omanfyri. 

 
Nýggjastu sendingar í ÚV
Sunnudag 3. juni
Tilvera - Tað ónda 2 (2)
9247
Sunnudag 27. mai
Tilvera - Tað ónda 1 (2)
9337
Leygardag 26. mai
ALSO: Mussist bara!
81244
Fríggjadag 25. mai
Radarin: Arktis og Public Service
81234
Nýggjastu sendingar í SV
Mánadag 21. mai
Hamferð - útgávukonsert
81054
Mánadag 21. mai
Andaktin
81074
Mánadag 21. mai
FM í estetiskum fimleiki
81092