Kringvarp Føroya kann skipa fyri Melodi Grandprix

09.02.2018 - 12:48
MentanTónleikur
Kringvarp Føroya kann skipa fyri Melodi Grandprix
Kringvarpið hevur kannað, um tað ber til at skipa fyri eini føroyskari Melodi Grandprix kapping og tað ber til.
Mynd: © Ralph Larmann  
 
 

Tak niður

Tað sigur Johnny í Grótinum, kringvarpsstjóri.

- Men tað krevur, at Kringvarp Føroya er limur í EBU (European Broadcasting Union), heldur hann fram.

Fyrrverandi kringvarpsstjórin Annika Mittún kannaði, um til bar at skipa fyri Melodi Grandprix í Føroyum. Hon fekk at vita, frá EBU, at bert sjálvstøðug lond fingu limaskap í EBU. Tí slepti hon ætlanini tá.

 

Dia kannaði tað eisini

Men í fjør kannaði Dia Midjord málið aftur. Hann fekk at vita, at Kringvarp Føroya kundi fáa limaskap í EBU. Fyri limaskapin skuldi kringvarpið gjalda limagjald, ið varð sett til 500.000 krónur um árið.

- Tað eru nógvir pengar, sigur Johnny í Grótinum.

- Men EBU er so nógv annað enn Grand Prix. EBU hevur eina rúgvu av øðrum tænastum, bæði tíðindum og øðrum, sum vit kanska kunnu fáa gagn av, sigur Johnny í Grótinum.

 

Leiðslan fer at kanna málið

Leiðslan í Kringvarpinum fer nú at kanna, hvørjir fyrimunir og vansar eru av at vera limur í EBU.

- Vit falla ikki uttan fyri reglurnar fyri limaskapi í EBU. Tí fara vit at kanna, um hetta hevur okkara áhuga, sigur Johnny í Grótinum.

Tað er dýrt at skipa fyri Melodi Grandprix. Siðvenja er, at landið, sum vinnarin er úr, skipar fyri næstu ferð.

- Tá høvdu vit ivaleyst verið noydd at funnið eitt annað land av samstarva við, sigur Johnny í Grótinum, kringvarpsstjóri.

 
Nýggjastu sendingar í ÚV
Mikudag 15. august
Morgunlestur mikudagin 15. august 2018
82949
Týsdag 14. august
Summartímin mánadagin 13. august
84214
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Mánadag 13. august
Morgunlestur mánadagin 13. august 2018
82946
Nýggjastu sendingar í SV