7,2 mió. til fiskivinnuroyndir

12.02.2018 - 16:03
AktueltVinna
7,2 mió. til fiskivinnuroyndir
Fiskivinnuroyndir er ein árlig játtan á fíggjarlógini, har peningur verður settur av, ið skal brúkast til at menna føroyska fiskivinnu
 
 

Tak niður

7.2 milliónir verða í 2018 settar av á fíggjarlógini til fiskivinnuroyndir. Eftir ætlan skal tann upphæddin vaksa við einari millión í 2019.

Fiskivinnuroyndir hevði framløgu á Hotel Føroyum í dag. Hetta er 10. ferð, at framløgan er, har verkætlanarleiðarar greiða frá og siga, hvat er komið burturúr. Á skránni vórðu nógvar framløgur og tær spentu ógvuliga víða - frá trollemmum til útbreiðslu av blálongu undir Føroyum.

Seinastu 10 árini eru 130 verkætlanir stuðlaðar úr Fiskivinnuroyndum og Eilif Gaard sigur, at hóast allar verkætlaninar ikki hava flutt nakað ítøkiligt, so hevur stuðulsskipanin flutt vinnuna framá.

Nýggjan Fiskivinnugrunn

Endamálið hjá Fiskivinnuroyndum er breitt og dentur verður lagdur á at veita stuðul í breiðastu merking, ið kann flyta vinnuna framá.

Landsstýrið hevur sett ein nýggjan grunn á stovn, ið eitur Fiskivinnugrunnurin. Endamálið við honum líkist nógv tí hjá Fiskivinnuroyndum, og hann skal millum annað eisini verða við til at menna fiskvinnuna í Føroyum.

Hóast tað enn er ógreitt, hvørt tað verður tørvur á skipanini Fiskivinnuroyndir, tá Fiskivinnugrunnurin er komin at koyra, so heldur Eilif Gaard tað verða positivt, at enn størri fokus verður lagt á gransking og menning í fiskivinnuni.

Hoyr innslagið omanfyri.

 
Nýggjastu sendingar í ÚV
Hósdag 16. august
Morgunlestur hósdagin 16. august 2018
82950
Mikudag 15. august
Morgunlestur mikudagin 15. august 2018
82949
Týsdag 14. august
Summartímin mánadagin 13. august
84214
Týsdag 14. august
Morgunlestur týsdagin 14. august 2018
82947
Mánadag 13. august
Summartímin fríggjadagin 10. august
84177
Nýggjastu sendingar í SV