- Menn skiftust um at spýggja og rógva

Teir ætla við bátinum Saga at seta met - at teir eru fyrstir í heiminum at rógva 8.000 kilometrar langa teinin upp á 60 dagar.

Við eru føroyingarnir Edmund Berg, Jákup Jacobsen, Jógvan Clementsen og Niclas Olsen, og so er ein rumeni, Alex Dumbrava, og ein nýsælendingur, Isaac Giesen.

Leygardagin løgdu teir frá landi í Portimao í Portugal við kós móti Miami - við einum steðgi í Kuba. 

Vit tosaðu við havnarmannin, Jákup Jacobsen, um 10-tíðina í gjárkvøldið, - tá høvdu teir róð í meira enn 3 samdøgur. 

Hoyr samrøðuna við Jákup í brotinum omanfyri.