Sein viðgerð av landsroknskapinum

02.03.2018 - 12:35
AktueltPolitikkur
Sein viðgerð av landsroknskapinum
Fíggjarnevndin drálar so nógv við síni viðgerð av landsroknskapinum, at hann missir virði sum amboð til at gera fíggjarlóg.
 
 

Tak niður

Landsroknskapurin fyri 2016 hevur ligið og blomstrað í fíggjarnevndini síðani 4. desember.

Fyri nøkrum árum síðani fingu løgtingsgrannskoðararnir annars hert reglurnar fyri, nær roknskapurin hjá landinum skuldi verða liðugur og lagdur fyri tingið, so hann kundi brúkast sum amboð til at gera fíggjarlóg.

Árini frammanundan var roknskapurin annars komin darlandi ár eftir, at hann var relevantur, og tí var hann til lítið gagn, eins og áhugin fyri honum var lítil.

Tað eydnaðist at fáa vent hesum, og grannskoðanin legði eisini roknskapin fyri 2016 fram til tíðina, also síðst í november, so løgtingið skuldi kunna viðgera og samtykkja hann, áðrenn fíggjarlógin skuldi samtykkjast.

Men tøppur kom í.

Áhugin fyri tølunum dalar

4. desember fór roknskapurin í fíggjarnevndina, og har lá hann uttan nakra viðgerð yvirhøvur líka til 6. februar, og ikki fyrr enn í næstu viku, also meira enn tríggjar mánaðir eftir fyrstu viðgerð og mánaðir eftir at fíggjarlógin er samtykt, sleppur løgtingið undir aðru viðgerð av landsins roknskapi fyri 2016.

Joen Magnus Rasmussen er løgtingsgrannskoðari, og tað var hann eisini, tá mannagongdin var herd. Hann er ikki glaður um, at drál aftur er komið í stóra roknskapin.

Drál av hesum slagi ger, at upplýsingar verða mistir, áhugin fyri gomlu tølunum dalar nógv, og ja, tá tingið fer undir ar gera fíggjarlóg fyri 2019, tá eru roknskapartøl fyri 2016 ikki júst feskastu amboð at taka til.

Hoyr innslagið í brotinum omanfyri.

 
Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Bóndin (2:7)
89919
Hósdag 17. januar
Hassans hendur (2:4)
90024
Mikudag 16. januar
Úr savninum: Føroyskt bátasmíð
90005
Mikudag 16. januar
Til borðs við Price: sviði og pína
89928