Hækka brimverjuna í Leirvík

06.03.2018 - 15:14
AktueltSamfelag
Hækka brimverjuna í Leirvík
Brimverjan í Leirvík skal hækkast ein metur og tað skal helst gerast skjótt, sigur Jóhan Christiansen, borgarstjóri í Eysturkommunu.
Mynd: © Eysturkommuna  

Tak niður

Ógvusligi upgangurin í Leirvík í fjør hevði stóran skaða við sær og tí má økið tryggjast betur, sigur Jóhan Christiansen.

Eysturkommuna ætlar at fara undir at hækka brimverjuna í Leirvík ein metur afturat fyri at binda um heilan fingur og tryggja seg sum best móti óveðri.

Tað var 25 november í fjør, at tað var somikið ógvusligur uppgangur í Leirvík, at millum annað nýggi bygningurin hjá El-Teknik fekk stóran skaða.

Tað er nógv annað virksemið niðri á økinum, ið eisini skal tryggjast móti einum slíkum uppgangi aftur. Jóhan Christiansen sigur, at tað er ikki óvanligt, at grót kemur uppum verjugarðin og inn á økið, men at hann veit ikki um so ringan uppgang sum í fjør.

Enn er peningur settur av á fíggjarætlanini til verkætlanina, men fyribils metingin sigur, at arbeiðið fer at kosta um eina millión krónur. Tíðarætlanin fyri verkætlanina er heldur ikki løgd enn, tí tilboðini eru ikki komin inn.

Jóhan Christiansen ásannar, at tað er nógv ferð á í løtuni og nógvar hendur eru upptiknar, men hann sigur samstundis tað kann ikki bíðast leingi eftir at fáa hækka brimverjuna og tryggja økið betur.
 

 
 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Sunnudag 21. apríl
Ein stór løta
93495
Sunnudag 21. apríl
Andaktin
93717
Sunnudag 21. apríl
Guðstænasta úr Glyvra kirkju
93718
Sunnudag 21. apríl
Flogbóltur: Mjølnir - Fleyr, mansfinala
93706