Lærarar skulu hava betri vitan um autismu

- At hava sum mál, at øll børn, sama hvørjar avbjóðingar tey hava, skulu vera partur av einum vanligum skúlaflokki, er heilt av leið, tí tað avdúkar, at tú hevur ikki skilt, hvat til dømis autisma er fyri nakað, sigur Malan Mohr, lærari og samskipari av undirvísingartilboðnum til næmingar við autismu í Hoyvíkar skúla.

Í dag royna vit at stimbra næmingar, sum hava autismu, við at styrkja teirra sjálvsálit og kenslur, men lærararnir mugu hava meira servitan so ábyrgdin ikki verður løgd á næmingarnar, sigur Malan Mohr, lærari.