Akraberg hevur súrløgu við heim

09.03.2018 - 11:46
InnlendisVinna
Akraberg hevur súrløgu við heim
Akraberg, sum nú er á veg heim úr Barentshavinum, hevur 900 tons av frystum fiski í lastini. Harafturat hevur skipið 400 tons av súrløgu við heim

Tað, at hava súrløgu í lastini, er nakað nýtt í føroyskum høpi. Súrløga verður brúkt til m.a. alifóður.

Tá skipið varð keypt í 2012, vóru tangar í skipinum, og gjørt var av at fara undir royndir at gera súrløgu, so alt kundi takast við til lands. 

Reiðaríið setti seg í samband við norska felagið, Hordafor, sum ger súrløgu burtur úr slógvi frá norsku alivinnuni.

Samstarvið virkaði væl, og nú er komið undir land við royndunum umborð á Akrabergi, sigur Anfinn Olsen, reiðari.

Royndirnar hava kostað felagnum góðar átta milliónir kr, sum er væl meir enn upprunaliga mett. Kortini vil reiðarin ikki siga, at talan er um eina ov stóra íløgu til teirra virksemi.

Akraberg hevur gjørt ein góðan túr, skipið fór úr Føroyum 11. februar, og verður aftur í Føroyum leygarkvøldið. 

24 mans eru við skipinum.

Hoyr samrøðu við Anfinn Olsen í brotinum omanfyri. 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584