- Tíðindi, mentan og ítróttur
Góðan morgun Føroyar
Upprunaliga er Betri Vinir verkætlanin avstralsk og kallast Better Buddies. Danmark hevur nýtt verkætlanina á stovnum í eini tíggju ár, og úrslitini eru góð.
Betri vinir er ein fyribyrgjandi verkætlan í móti happing. Tilfarið er ætlað til 3-6 ára gomul børn, fakfólk og foreldur.
Bert dagstovnar kunnu keypa Betri Vinir, og tey fáa tá eitt kuffert, sum inniheldur námsfrøðilig amboð til at fyribyrgja happing. Sum dømi kunnu nevnast kjakkort til fakfólk og foreldur, massasjusøgur, klisturmerki, postkort o.s.fr. Dagstovnarnir fáa eisini vegleiðing í, hvussu kuffertið skal nýtast.
Djóni Eidesgaard, aðalstjóri í Barnabata greiðir frá, hví og hvussu Barnabati hevur tikið stig til verkætlanina, og Sára Henriksen, námsfrøðingur, sum hevur arbeitt við danska tilfarinum og er skeiðshaldari hjá Barnabata, greiðir frá sínum roydnum.