- Tíðindi, mentan og ítróttur
Pedagogfelagið kallar hjálparfólk á fund
Mánakvøldið var stovnandi aðalfundir fyri nýggja felagið á almenna arbeiðsmarkaðinum, Hjálparfólkafelagið. Nógv fólk møttu til fundin, sum var í høllini hjá Hæddini á Saltangará.
Sambært viðtøkunum fyri nýggja felagið so er endamál felagsins at virka fyri góðum lønar- og arbeiðviðurskiftum, og annars eftir førimuni at vera limum til hjálpar í ósemjum við arbeiðsgevara.
Pedagogfelagið hevur nú kallað hjálparfólk, sum eru limir í felagnum, á fund í morgin.
Jógvan Philbrow, formaður í Pedagogfelagnum, sigur, at fleiri hjálparfólk hava vent sær til Pedagogfelagið fyri at fáa meira kunning um bæði feløgini.
- Vit ætla at fortelja teimum, at tey eru ikki tvungin í eitt nýtt felag. Vit halda, at tey hoyra framvegis heima í Pedagogfelagnum, sigur Jógvan Philbrow.
Fundurin fyri hjálparfólkini verður í annaðkvøld klokkan 18.
Hoyr samrøðuna við formannin í Pedagogfelagnum, Jógvan Philbrow, omanfyri.
Tak niður
Sí eisini