Faroe Islands Translate vann altjóða virðisløn

Hetta er annað árið upp í slag, at Visit Faroe Islands og Atlantic Airways fáa heiðurin. Í fjør var tað fyri átakið Sheep View.

Guðrið Højgaard, stjóri í Visit Faroe Islands, er bilsin av, at tað eydnaðist at vinna aftur í ár.

Altjóða miðlar velja

World Media Awards er virðisløn, sum 10 altjóða miðlar velja. Teir eru National Geographic, New York Times, TIME Magazine, Newsweek, Wall Street Journal, The Economist, Forbes, Bloomberg, Fortune og Washington Post.

Virðislønir verða latnar í átta bólkum, og Visit Faroe Islands og Atlantsflog vunnu bólkin, sum eitur Travel and Tourism.