Facebook kennir teg betur enn tey nærmastu

23-03-2018

Tá tær dámar okkurt á Facebook, verður tað goymt, og tú leggur eitt talgilt spor eftir tær. Tað kann so siga nakað um tína persónligheit.

Í 2015 mentu granskarar frá Cambridge University eina nýggja algoritmu, sum metir um tína persónligheit við at taka støði í tí, sum tær dámar á Facebook. Tey vilja vera við, at tey kenna teg betur enn tey nærmastu rundan um teg, um tær hevur dámt nógv á Facebook.

Ein kann royna persónligheitsmetingina hjá Cambridge University sjálv/ur, og síggja, hvussu sonn hon er her.

Síðsta vikuskifti kom fram, hvussu privata greiningarfyritøkan, Cambridge Analytica, ólógliga hevur misnýtt upplýsingar hjá milliónum av Facebook brúkarum til m.a. at ávirka amerikanskar veljarar á forsetavalinum í 2016. Eisini hava tey brúkt dátur til sálarfrøðiliga profilering av fólki, og tilfarið er latið Trump-leguni undir forsetavalstríðnum.

Web-samskiparin í Kringvarpinum um, Eyðbjørt Skylv Midjord, greiddi frá hesum í morgunsendingini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)