Meira toskur og meira hýsa

28.03.2018 - 10:53
AktueltSamfelag
Meira toskur og meira hýsa
Fyri fyrstu ferð í meira enn 10 ár eru ábendingar um, at toska- og hýsustovnarnir undir Føroyum eru við at koma fyri seg aftur

Tak niður

Ábendingina byggir Havstovan á nýggjastu yvirlitstrolingina hjá havrannsóknarskipinum, Magnus Heinason, fyrr í mars mánaði. 

- Enn er ov tíðliga at siga nakað við vissu, men alt annað líka merkir tað, at næstu árini verður ráðiligt at fiska meira av toski og hýsu, sigur Petur Steingrund, fiskifrøðingur á Havstovuni.

Árligu tilmælini frá Havstovuni plaga at vera dapur lesnaður fyri fiskivinnuna. Seinast, tað var í fjørsummar, mælti Havstovan til at skerja fiskidagarnar hjá línu- og útróðrarflotanum niður í eina helvt, enntá av brúktu døgunum.

Tað var gjørt fyri at verja toska- og hýsustovnin. Men nú eru hesir báðir stovnar í ferð við at koma fyri seg aftur.

Petur Steingrund, fiskifrøðingur, stóð á odda fyri yvirlitstrolingunum, sum vórðu gjørdar frá 8. til 20. mars. Hann leggur dent á, at nýggjastu tølini eru bara eitt lítið, fyrsta stig rætta vegin. Men tølini fáa týdning, næstu ferð Havstovan skal meta um toska- og hýsustovnin.

Tí kann roknast við, at næsta tilmæli frá Havstovuni um toska- og hýsufiskiskapin undir Føroyum ikki verður sami, dapri lesnaður sum undanfarin ár.

Nýggja fiskivinnulóggávan sigur, at 1. januar næsta ár skal heimaflotin fara frá eini fiskidagaskipan til eina kvotuskipan. Eisini skulu umsitingarætlanir gerast fyri fiskasløgini, sum roynt verður eftir undir Føroyum.

 
 
Nýggjastu sendingar í ÚV
Fríggjadag 24. mai
Síðsta skríggj 24.mai 2019
94858
Fríggjadag 24. mai
Góðan morgun Føroyar 24. mai 2019
94838
Fríggjadag 24. mai
Morgunlestur fríggjadagur 24. mai 2019
94656
Nýggjastu sendingar í SV
Hósdag 23. mai
Andglettur: Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638