Uppboðssølan av veiðirættindum steðgar menningini

bannari
01.04.2018 - 14:54
Aktuelt
Uppboðssølan av veiðirættindum steðgar menningini
Føroyska fiskivinnan dragnar og verður afturúrsigld í mun til fiskivinnuna í okkara grannalondum, sigur Páll Gregersen

Tak niður

Páll Gregersen ávarar enn einaferð politisku skipanina ímóti at selja veiðirættindi á uppboði.

- Eingin nýggjur aktørur kemur inn í fiskivinnuna gjøgnum uppboðssøluna, og ongar íløgur verða gjørdar í nýggj skip við mest framkomnu tøknini, óttast stjórin á Fiskavirkinum í Gøtu:

Páll Gregersen vísur á, at síðstu árini hevur eingin gjørt íløgur í nýggj skip. Tey skip, sum føroyingar hava keypt, eru skip, sum fiskivinnan í grannalondunum hevur skift út við nýggjari og meira framkomin skip:

Sambært lógini um fyrisiting av sjófeingi skal rætturin at veiða part av føroyska fiskiríkidøminum bjóðast út á uppboðssølu. Tá avtornaði varð uppboðssøluparturin nógv minni enn politisku ambitiónirnar og upprunaligu ætlanirnar.

Í eygunum á stjóranum á Fiskavirkinum í Gøtu er frægara loysnin at skriva út nøkur fleiri loyvi, um politiska skipanin ynskir nýggjar aktørar inn í fiskivinnuna.

Fyri at sleppa undan spekulatión við fiskiloyvum ber, sambært Páll Gregersen, til at áseta ein brúksrætt og áleggja eitt høgt kilogjald til landskassan fyri kvoturnar, um reiðarí velja at selja tær víðari til onnur.

Í ár verða rættindi at veiða svartkjaft, norðhavssild, makrel og botnfisk í Barentshavinum bjóðað út á uppboðssølu.

Uppboðssølukunngerðin, sum hevur verið til hoyringar og væntandi verður lýst beint eftir páskir, leggur upp til, at alt skal seljast á afturlatnari uppboðssølu.

Á opnari uppboðssølu vinnur hægsta boð. Men á afturlatnari uppboðssølu er tað lægsta, vinnandi boðið, sum ásetir prísin, sum allir keyparar skulu gjalda:

 
 
Nýggjastu sendingar í ÚV
Mikudag 17. apríl
Mono: West Coast Hip Hop
93652
Mikudag 17. apríl
Góðan morgun Føroyar 17. apríl 2019
93644
Mikudag 17. apríl
Morgunlestur mikudagur 17. apríl 2019
93382
Týsdag 16. apríl
Áðrenn Elvis: Tema um páskir
93602
Nýggjastu sendingar í SV
Mikudag 17. apríl
Minnist tú enn? (6:13)
19504
Mikudag 17. apríl
25 minuttir: Julie Sass
93251
Mánadag 15. apríl
3-2
93571
Mánadag 15. apríl
EM-undankappingardystur: Føroyar-Ukraina
93559
Sunnudag 14. apríl
Andakt við Bergtóri Hjelm Bjarkhamar
93518