- Tíðindi, mentan og ítróttur
Sambýlið í Svínoy verður vallaraheim
Í 2012 var bygningurin í Svínoy, sum skuldi brúkast sum sambýli, innilokaður. Kommunan hevur síðani gjørt bygningin heilt lidnan, so nú manglar bygningurin bert innbúgv.
Ætlanin var, at bygningurin skuldi brúkast sum sambýli, sum skuldi geva bygdini lív og arbeiðspláss. Men tað skal hann ikki, sigur Jógvan Skorheim, borgarstjóri í Klaksvíkar kommunu, sum Svínoy er partur av.
Í staðin skal hann brúkast til ferðavinnuendamál, sum ítøkiliga merkir eitt bygdarhús ella eitt stað, har ferðafólk kunnu gista.
Sambýli verður ferðavinnuendamál
Jógvan Skorheim leggur afturat, at sambært Norðoyar bú- og heimatænastu kann bygningurin ikki nýtast til sambýli. Orsøkin er, at tað er torført at fáa starvsfólk, og at sambýli skulu hava lætta atgongd til sjúkrahús.
Ætlanin var annars at bygningurin skuldi vera eitt sambýli, sum fyrst og fremst skuldi geva bygdini lív, og mett var, at sambýlið fór at geva bygdini eini 10-15 arbeiðspláss.
Men borgarstjórin lovar ikki, at bygningurin, sum nú fer at nýtast til ferðavinnuendamál, fer at geva bygdini líka nógv arbeiðspláss.
Tak niður
Sí eisini