- Tíðindi, mentan og ítróttur
Bastard-etno, neo-klassiskt og filosofiskur rockur
Um vikuskiftið fara tveir bólkar á pall saman. Hesir eru bólkurin Dánjal, sum Dánjal á Neystabø er oddamaður fyri og Afenginn við Kim Nyberg. Talan er ikki um dupultkonsertir, har tveir bólkar spæla hvør sær - bólkarnir spæla hinvegin hvør síni løg saman, tí talan er um ein bólk, har manningin so at siga er tann sama. Í kvøld, fríggjakvøld, fara bólkarnir á pall í Norðurlandahúsinum kl. 21 og í Tøting í Syðrugøtu leygarkvøldið. Lagt er upp til eina konsertuppliving av tí stóra slagnum, har áhoyrararnir verða leiddir ígjøgnum eitt ríkt kensluspektur, sum fevnir um tað lættari abstrakta við droymandi ljóðflatum til tætt útsettan popp, sum javnvigar í markalandinum millum tað popputa og tað fleirtýdda. Vikuskifti hitti oddamenninar báðar backstage í Norðurlandahúsinum til eitt prát. Hoyr innslagið her
Tak niður