- Tíðindi, mentan og ítróttur
Ógvuslig álop ein partur av týska gerandisdegnum
- Fólk eru ótrygg, men hava eisini góðtikið, at yvirgangur og ógvusligar hendingar nú eru ein partur av týska gerandisdegnum, og tað er ræðandi.
Tað heldur Kára Petersen, sum er ættað úr Fuglafirði, men býr í týska býnum Münster, har ein maður í gjár koyrdi inn í eina mannamúgvu, sum sat uttan fyri eina kafe.
Hendingin hevur ikki tilknýti til altjóða yvirgang, sigur løgreglan.
48 ára gamli maðurin, sum koyrdi vørubilin, hevði sálarligar trupulleikar, og hann skeyt seg sjálvan eftir hendingina.
Tvey fólk latið lív
Fyrstu tíðindini vildu vera við, at trý fólk høvdu latið lív. Men týska løgreglan sigur nú, at tvey fólk doyðu, ein 51 ára gomul kvinna, og ein 65 ára gamal maður.
Meira enn 20 fólk vórðu løstað. Seks teirra eru illa løstað.
Býurin Münster er tætt við hollendska markið, 100 kilometrar norðan fyri Dortmund.
Stutt fyri jól í 2016 doyðu 11 fólk, tá ein lastbilur koyrdi á eina mannamúgvu í Berlin.
Tunesarin, Anis Amri, hevði rænt ein lastbil og koyrdi á mannamúgvuna á einum jólamarknaði í miðbýnum í týska høvuðsstaðnum.
Tak niður
Sí eisini